NHS ہمیں مطلع کرتی ہے کہ COVID کی ویکسینز حفاظت، معیار اور اثر انگیزی کے ان سخت معیاروں کو پورا کر کے تیار کیے گئے تھے جو ادویہ اور نگہداشت صحت کی مصنوعات کی خودمختار انضباطی ایجنسی (Medicines and Healthcare Products Regulatory Agency ،MHRA) نے مقرر کئے تھے۔

منظور کی جانے والی کورونا وائرس کی کسی بھی ویکسین کے لیے ان تمام طبی آزمائشوں اور حفاظتی جانچوں سے گزرنا لازمی ہے

جن سے تمام دیگر لائسنس یافتہ دوائیں گزرتی ہیں۔

MHRA حفاظت کے بین الاقوامی معیاروں کی تعمیل کرتی ہے۔

طویل مدتیں جو کہ عام طور پر ویکسینز کی تیاری سے وابستہ ہوتی ہیں ان کا تدارک عالمی سائنسی کمیونٹی کے بے نظیر تعاون، تیاری کے متوازی طریقوں اور فنڈنگ کی بہت زیادہ دستیابی کے ذریعہ کیا گيا ہے۔

متعدد قومیتوں اور زندگی کے تمام شعبوں کے لوگ COVID-19 ویکسین کے آزمائشی مطالعوں کا حصّہ رہے ہیں، جن میں سفید فام، سیاہ فام، ایشیائی اور مخلوط اقلیتی نسلی گروہ شامل ہیں۔

موجودہ دستیاب ویکسینز میں خنزیر یا دیگر کسی جانور کی مصنوعات شامل نہیں ہیں۔

آ

کسفورڈ ایسٹرا زینیکا ویکسین میں ایتھانول کی اتنی مقدار ہے جو کہ قدرتی کھانوں یا ڈبل روٹی میں پائی جانے والی مقدار سے کم ہے۔ علمائے اسلام نے اس ویکسین کو حلال تسلیم کیا ہے کیوں کہ الکحل کی سطح نہ ہونے کے برابر ہے۔

یہ ویکسین بڑی حد تک COVID-19 میں مبتلا ہونے کے امکان اور علامات کی شدت کو اگر آپ کو خدا نخواستہ انفیکشن ہو جاتا ہے تو اسے کم کر دیتا ہے۔

ہمارے معروف سائنس دانوں اور طبی ماہرین نے اس ویکسین کے کارگر ہونے کے پختہ ثبوت ہونے کی وجہ سے اس کی تجویز دی ہے۔

تاہم، یہ 100% تحفظ فراہم کرنے والی نہیں ہے اس لیے ہمیں ہاتھوں کے اچھی حفظان صحت، ماسک پہننے اور سماجی فاصلے کو اس وقت تک جاری رکھنے کی ضرورت ہے جب تک کہ بیشتر آبادی کو ویکسین نہ لگ جائے۔

COVID کی ویکسین لگوانے سے ہماری زندگیوں کو واپس معمول پر لوٹنے میں مدد ملے گی۔

اس بات کو یقینی بنا کر کہ زیادہ سے زیادہ لوگوں کے یہاں مامونیت کی اعلی سطحیں ہوں ہم لوگ دوبارہ معمول کی جانب بڑھ سکتے ہیں۔